Амма улууһугар уус-уран самодеятельность көрүүтүн бэстибээлэ нэһилиэктэринэн салҕанар.
Сэтинньи 29 күнүгэр Бөтүҥ нэһилиэгэр Өрөспүүбүлүкэтээҕи олоҥхо ыһыаҕар бэлэмнэнии чэрчитинэн уонна Улуу олоҥхоһут Т. В. Захаров – Чээбий төрөөбүтэ 155 сылыгар аналлаах улуустааҕы бэстибээл чэрчитинэн У. Г. Нохсоров- Үстүүн Нохсоороп «Дыырай Бэргэн» олоҥхотунан испэктээги уус-уран самодеятельность кыттыылаахтара бар дьоҥҥо көрдөрдүлэр. Режиссердар — Саина Попова, Сахаяна Гурьева.
