🔹🔹🔹Бүгүн биһиги Өрөспүүбүлүкэбитигэрсэтинньи 30 күнэ – ХОМУС күнүн билиэтиибит.🔹🔹🔹
ХОМУС биhиги норуоппут культуратын, музыкальнай искусствотын национальнай үгэһин чуор куолаhа, үгүс үйэлэри нөҥүөлээн кэлбит дьикти инструмент буолар. Бу көрүҥүнэн дьоҕус инструмент эрээри, киhини сөхтөрөр абылаҥнаах, нарын – истиҥ иэйиилээх.
🔹Саха омук маанылаах инструменын — ХОМУҺУ – саха уустара охсон, таптайан, аалан таhаараллар. Былыргы уустар хомуhу олус мындырдаан, өйдөрүн-санааларын ууран оҥорбуттар. Күн бүгүҥҥэ диэри хомус тыаhа саха омук олорон ааспыт олоҕун, санаабыт санаатын, тобулбут толкуйун көрдөрөр кыахтаах. Норуот талааннаахтара, уран тарбахтаахтара үйэ-саас тухары айбыт, чочуйан оҥорбут хомустара ыччаты кэрэҕэ, үчүгэйгэ уhуйууга суолталара кэҥээн, дириҥээн иhэллэр. Саха сирин мындыр өйдөөх, талааннаах тарбахтаах уустарын этигэн хомустара Аан дойдуга киэҥник билиннэ, тарҕанна.🤩
🔹Бу мантан көстөр саха кыра хомуhа бүтүн саха норуотун түмэр күүһэ. Биьиги өбүгэлэрбит хаалларбыт бэлэхтэрин, кыракый хомуhу илдьэ сырыттахпытына үйэлэртэн-үйэлэргэ биhиги культурабыт эстиэ-быстыа суоҕа. Кэхтибэт кэскиллээх кэнчээри ыччаппыт омуктарын аатын аар саарга аатырда турдуннар! Саҥа саҕахтар арыллан биэрдиннэр!
Этигэн хомус эйээрдин, хомуhуннаах хомус дуорайдын!🙌🏼👏🏼👏🏼