Ыам ыйын 4 күнүгэр Бөтүҥ нэһилиэгин эр дьоно 1125 остуолба бэлэмнээтилэр. “Бөтүҥ” СХПК үлэтигэр көмө буолан нэһилиэк тэрилтэлэрэ субуотунньуктаан күрүө остуолбатын бэлэмниир үтүө үгэстээхтэр. Быйыл даҕаны биир да тэрилтэ эр дьоно “Үлэ күүһэ” күрэхтэн туора турбатылар. Сааскы көй салгыҥҥа сытыы сүгэ кылыһа маска охсуллар тыаһа ыраахха диэри ой дуораана буолан иһиллэр. Хамаандалар киэһэ хойукка диэри үс түһүмэххэ илин-кэлин түсүһэн илии күүһүн, кыраҕы хараҕы, өй үлэтин тургуттулар. Түһүмэхтэринэн түмүк маннык таҕыста: остуолба бэлэмнээһинигэр 1 м. ОДьКХ, 2 м. Олохтоох дьаһалта, кулууп, спортивнай саала коллективтара, 3 м. “Бөтүҥ” СХПК, 4 м. оскуола, 5 м. “Күөх ыллык”, 7 нуемэрдээбаһаарынай чаас хамаандалара таҕыстылар. Бүгүн уопсайа 1125 остуолба бэлэмнэннэ. Викторинаҕа 1м. Павел Яковлев (ОДьКХ), 2 м. Леонид Чириков (7 нуемэрдээх баһаарынай чаас), 3 м. Виктор Неустроев (“Бөтүҥ” СХПК), 4 м. Спартак Васильев (оскуола), 5 м. Семен Степанов (спортивнай саала) буоллулар. Сыал ытыыга 1 м. Степан Левин (“Бөтүҥ” СХПК), 2 м. Егор Романов (кулууп), 3 м. Илья Дьячковскай (ОДьКХ), 4 м. Виктор Старовойтов (“Күөх ыллык”), 5 м. Константин Слепцов (оскуола) таҕыстылар. Онон уопсай түмүккэ кыайыылааҕынан туох да мөккүөрэ суох ОДьКХ эр дьонун хамаандата буолла (сүрүн бириис -2021 с.туруех о5ус). 2 м. “Бөтүҥ” СХПК (бириис – 20 киилэ ынах арыыта), 3 м. Олохтоох дьаһалта, кулууп, спортивнай саала (бириис – хамаанда бары кыттыылаахтарыгар биирдии куул эбиэс бурдук), 4 м. “Күөх ыллык”, 7 нуемэрдээх баһаарынай чаас, 5 м. оскуола хамаандалара таҕыстылар. Маны сэргэ анал ааттар эмиэ хаһаайыннарын буллулар: “Мындыр өй” Павел Яковлев (ОДьКХ), “Бэргэн ытааччы” – Степан Левин (“Бөтүҥ” СХПК), “Кэскиллээх масчыт” – Егор Романов (кулууп), “Сатабыллаах масчыт” – Егор Борисов (Олохтоох дьаһалта), “Түргэн мас хайытааччы” – Артур Алексеев (оскуола), “Түргэн суорааччы” – Эркин Иванов (ОДьКХ), “Түргэн эрбээччи” – Петр Никифоров ааттаннылар. Кинилэр хас биирдиилэрэ спонсордартан сыаналаах бириистэри тутан үөрүүлэрэ икки бүк үрдээтэ. Кыайыылаах-хотуулаах үлэ, биллэн туран минньигэс аһылыга суох тахсыбат. Оллоон чэйин, сыалаах эттээх минин амтанын кытта ама туох тэҥнэһиэй? СХПК, кулууп тэрилтэлэрин кэрэ аҥардара астаабыт астара тотоойу, иҥэмтиэлээх буолан үлэ да таһаарыылаах буолла.