Бүгүн, 14.05.2022 кулууп дьиэтигэр Бөтүҥ нэһилиэгин эдэр кэрэ аҥардара түмсэн «Весенний девичник» туһалаах, олус сэргэх күнү бииргэ атаардылар. Бу тэрээһиҥҥэ Амматааҕы Алмазкредитсервиз салайааччыта Надежда Кузьмина «Финансовай грамотность» туһунан кэпсээн кыргыттар интэриэстэрин күүһүртэ, Республикатааҕы психологическай киин специалистара трениннэри ыытаннар кыргыттар сүргэлэрин көтөхтүлэр. Ол кэннэ тэрээһин саамай «минньигэһэ» саҕаланна. Кулууп кыргыттара Анастасия Дмитриева «курица в кисло-сладкой соусе», Марианна Кырбасова Глинтвейн утаҕы хайдах оҥоруохха сөбүн көрдөрөн ыалдьыттары күндүлээтилэр. Ону тэҥэ девичникка Амматааҕы «Гриль» кафе хаһаайката Сарвиноз Васильева «Конверт с курицей», «Горячие роллы», «Запеченые роллы» хайдах судургутук дьиэҕэ оҥоруохха сөбүн астаан көрдөрөн ыалдьыттарга амсатта. Чапчылҕантан «Tupperwar” дистрибьютора Мария Кралина кэлэн компания иһиттэрин күннээҕи олоххо бэрт судургутук туттулларын туһунан кэпсээтэ, астаан көрдөрдө. Ону таһынан бэйэлэрэ «бизнестаах» кыргыттар кэлэн атыы-кутуу тартылар. Бу тэрээһин биир улахан сыала-соруга диэн Бөтүҥ нэһилиэгин эдэр кыргыттарын түмсүүтүн тэрийии буолар, онон бүгүн кэлбит кыргыттар түмсүүгэ үөрүүнү кытары киирдилэр, салгыы нэһилиэк сайдарын туһугар үлэлэһэллэрин биллэрдилэр. Бүгүҥҥү «девичникка» сылдьыбыт, кыттыбыт кыргыттар, тэрийээччилэр эмиэ бары да астынан, сэргэхсийэн тарҕастылар.