Алтынньы 18 күнүгэр Ийэ уонна Аҕа күннэригэр аналлаах тэрээһин чэрчитинэн Бөтүҥ нэһилиэгин дьахталларын уонна «Ай — санаа» эдэр ийэлэрин түмсүүлэрин көҕүлээһининэн «Ийэ сылаас илиитэ» кээнчэ, үтүлүк тигиитигэр маастар кылаас буолан ааста. Маастар кылааһы Борисова Марианна Спиридоновна, Неустроева Фекла Николаевна уонна Дьячковская Юлиана Афанасьевна нэһилиэк кэрэ аҥардарыгар бэрт судургутук үөрэттилэр, матырыйаалы сөпкө туһанары көрдөрдүлэр, эдэр ийэлэргэ сүбэ — ама, лекала биэрдилэр, «Талаана» түмсүү далбар хотуттара матырыйаалынан хааччыйдылар, оскуола коллектива икки иистэнэр массыына уларсан төһүү күүс буоллулар. Уопсайа 2 кээнчэ, 21 үтүлүк тигэн Бөтүҥ нэһилиэгин эр дьонугар аһымал акция быһыытынан туттарыллынна. Акцияҕа кыттыбыт кэрэ аҥардарбытыгар барҕа махталбытын тириэрдэбит.
